May 21, 2019

City Councilor ug Mayor-Elect Estong Matugas, mibisita sa City Jail!

Mibisita pag-usab si kagawad ug bag-o pa lamang nga naproklamar nga mayor sa dakbayan sa Surigao, Hon. Estong Matugas sa City Jail nga nahimutang sa Brgy. Silop sakop ning syudad petsa 21 ning bulan sa Mayo tuig 2019.

Sa maong higayon gitunol niini ang duha ka karton nga mga pocket books kon mga nagkadaiyang libro nga alang na sa mga PDL kon Persons Deprived of Liberty aron ang matag-usa kanila ang mahatagan ug giya sa maayong mga gimbuhaton samtang anaa sulod sa maong pasilidad.

Nang hinaot ang bag-ong mayor nga ang maong mga libro ang makahatag usab kanila ug dugang lingaw nga dili sila mobati ug kalaay sa tanang oras nga maoy usab maka hatag ug kadasig sa ilang kaugalingon ug maka papas sa ilang gibating kagul-anan ug kamingaw sa ilang tagsa-tagsa ka mga pamilya.

Kini nga lakang bisan paman nga dili pa panahon sa iyang pag lingkod isip mayor, ang nagpakita na siya ug pasi unang serbisyo labina kadtong mga gihikawan sa ilang kagawasan sa tawhanong katungod.

Samtang, sa laing bahin gikalipay usab ug daku sa mga opisyales sa BJMP pinaagi na ni Jail Warden Dioven Auza ug pinaagi usab ni JO Tiu nga maoy midawat sa maong mga libro.