December 13, 2018

PAMAFAPPA, nakadawat ug mga Farm Machinery.

nfocus: Ang gobyernong syudad pinaagi sa buhatan sa City Agriculture sa pag-pangulo ni Ms. Hydee Villalba, Acting City Agriculturist ang nagmalamposong mipahigayon sa Turn-Over Ceremony sa Farm Mechanization Projects didto sa Brgy. Mat-i ning dakbayan petsa 13 ning bulan sa Desyembre 2018.

Ang Panalong Magsasaka Farm Products Producers Association (PAMAFAPPA) ang maong nakadawat sa usa (1) ka unit nga Combine Harvester ug usa (1) ka unit usab nga Vermitea Brewer.

Ang maong Brgy. ang usa lamang sa mga magpakadawat sa Farm Mechanization Projects nga diin hugot nga gisuportahan sa administrasyon ni City Mayor Nitoy Matugas kaabag sa mga personahe sa buhatan sa Agriculture ug sa Chairman-Committee sa Agriculture nga si City Councilor Estong Matuags, Jr. ug sa tanang nagpalujo sa mao nga proyekto labi na ang buhatan sa Department of Agriculture CARAGA, nga diin daku ang pasalamat sa buhatan sa mayor ngadto kanila.

Gitambungan kini ni City Councilor Jun Edradan isip representante sa buhatan sa mayor lakip nila Ms. Rebecca R. Artega ang Chief of Operations sa DA-Caraga; Abel James I. Monteagudo, Regional Executive Director-DA Caraga; Evaristo M. Cotiangco; Acting Assistant City Agriculturist, Mr. Manuel D. Panal; Hon. Reynaldo R. Olvis, ang Kapitan sa Brgy. Mat-i ug ni Hon. Bonifacio P. Lumbres ang barangay kagawad nga chair sa ilang committee on Agriculture.

Nahimong nagmalamposon kini ug nagpasalamat ug daku ang maong asosasyon sa mga mag-uuma sa dugang na usab nga mga ekipo sa pag uma diin kini magpadali sa ilang mga gimbuhaton pinaagi sa mga bag-ong teknolohiyang makinarya nga ilang paga-gamiton.