May 22, 2019

SLP Check Turn-Over for Newly Funded SLP Associations, nagmalamposon.

 

Nagmalamposon nga gipahigayon ang pag turn-over sa SLP Checks ngadto na sa mga bag-ong SLPA kon Sustainable Livelihood Program Association beneficiary sa nagkadaiyang Barangay ug Munisipyo sa tibuok probinsya sa Surigao del Norte petsa 20 ning bulan sa Mayo tuig 2019 nga diin kini gipahigayon sa City Gymnasium.

Sa mao nga aktibidad, si Mrs. Gloria Salvador ang mihatag ug Welcome Address isip City Social Welfare and Development Officer. Gitambungan usab kini ni Mr. Jhunrey A. Betonio ang Provincial Coordinator sa SDN sa programang SLP sa DSWD ug uban pang mga personahe sa DSWD Regional Office.

Sa kabahin usab ni City Mayor Nitoy Matugas nga diin gi-representahan ni City Mayor Elect Estong Matugas kini mipaabot ug pasalamat sa buhatan sa DSWD sa makanunayong programa labi na ang pag hatag ug suporta sa mga programa ug panginahaglanon sa matag Asosasyon. Apan kini nanghinaut nga ang maong mga beneficiary ang mo-asenso na sa dili madugay ug aron ang uban nasab nga mga indibidwal ug asosasyon ang matabangan sa nasampit nga programa.

Ang maong SLP nga programa, naggagikan sa buhatan sa DSWD pasingud sa PLGU ngadto na sa CLGU, sa BLGU ug hangtud sa SLP officers kon beneficiary.