January 14, 2020

iNFOCUS: Blessing sa bag-ong Surigao City Bus, nagmalamposon!

Pormal nga tag blessingan adlawng Martes petsa 14 sa Enero sa may 1:30 sa hapon ang bag-ong midangat nga 50 seater bus sa atong syudad nan Surigao.

Ang maong blessing gipangunahan ni City Mayor Estong Matugas lakip na usab sa Sangguniang Panlungsod sa pagpanguna usab ni City Vice Mayor Nitoy Matugas, City Councilors Hon. Joshua Geli, Hon. Bastie Nagas, Hon. Mario Gesta, Hon. Danilo Menor, Hon. Rico Nagas ug gitambungan sa mga nagkadaiyang hepe sa mga buhatan nga diini kini nagmalamposon pinaagi ni Fr. Larry Espuerta.

Samtang agig simbolo adunay mga hulagway sa mga nag-unang Tourist Attraction kon Destination sa dakbayan ang maong bus.

Kini gikan na sa 5 Star Bus Company nga pormal usab nga giturn-over sa dakbayan nga gidawat sa pagpanguna ni City Mayor Estong Matugas adlawng Lunes petsa 13 sa Enero tuig 2020.

Mapasalamaton usab si Mayor Estong Matugas sa nasampit nga kompanya sa pag-adonar niini sa duha (2) ka bus nga diin dako kini ug tabang sa natad sa transportasyon nga magamit sa mga Surigaonon labi na sa mga panahong adunay dagkong kalihukan sa atong dakbayan.

Samtang, isip pagsaulog sa ika-100years sa Municipality sa Del Carmen ug pagsaulog usab sa adlawng natawhan ni Mayor Bebe Coro, si Mayor Estong Matugas ang maong mipaabot ug regalo pinaagi sa usa ka bus nga gikan usab sa 5 Star Bus Company.