NEWS & EVENTS

iNFOCUS: Mga membro sa Surigao City Organic Farming Advocates nagpakadawat ug mga benepisyo!

Posted: April 12, 2021

Ang Surigao City Organic Farming Advocates (SCOFA) usa ka organisasyon nan mga mag-uuma nga nag suporta sa adbokasiya sa Organic Farming.

Tungod niini sila nagpakadawat ug libreng mga similya sa nagkalain-laing gulay, mga organic fertilizers, ug uban pang mga kagamitang pang agrikultura gikan sa gobyerno pinaagi na sa buhatan sa Agrikultura sa dakbayan.

Kini gipasalamatan ug daku sa mga myembro alang sa pagpalambo sa panginabuhi sa mga mag-uumang surigaonon lakip isab ang pagpalambo sa organic nga mga pamaagi sa pag-panguma.

 

iNFOCUS: Kadagkuan sa BFP nan syudad may gipamahayag!

Posted: April 12, 2021

Nagpa-abot sa iyang pamahayag si Surigao City Fire Marshal SFO4 Abel A. Dubduban kalabot na sa mga nakab-ot na mga kalampusan sa ilang hanay.

Kini apil na sa mga koleksyon nga mikabat ug 2,755,070 ka pesos gikan sa Enero 1 hangtud Marso 17 ning tuiga. Adunay isab nabilang sa pag inspeksyon nga 1,658 ka establisyemento ang anaa sa dakbayan, 4,952 ka establisyemento para sa mga Negosyo, samtang adunay mukabat sa 1,263 ang mga nahatagan ug Fire Safety Inspection Certification.

iNFOCUS: Harmonized Gender and Development Guidelines (HGDG) Workshop, gipahigayon!

Posted: April 12, 2021

Malamposon nga nahigayon an duha ka adlaw nga Harmonized Gender and Development Guidelines (HGDG) Tools Orientation Seminar / Workshop gihimo sa Livelihood Training and Productivity Center petsa 16 ug 17 ning buyan sa Marso 2021.

Ang oryentasyon sa HGDG gihatag ni Ms. Farrah C. Coniate, ang Human Resource Officer nan PPA-PMO ug GAD Focal diin iyang gihisgutan ang bahin sa kahulugan sa mga termino nga Gender Sensitive, Gender Responsive ug Fully Gender Responsive Gender and Development (GAD) nga mga proyekto, programa ug kalihokan.

Pages